ШҚО ауыл шаруашылығы өнімін өңдеу саласына қытайлық компания инвестиция құюда

19 Апреля 2016 1817 ШығысҚазақстаноблысы, ауылшаруашылығы

Алматы. 19 сәуір. Ақпараттар орталығы. Шығыс Қазақстан облысында (ШҚО) ауыл шаруашылығы қызметін атқаруы үшін қытайлық компанияға 15 мың гектарға жуық жер беріледі.

«Агроөнеркәсіп секторын дамыту мақсатында ҚХР-ң халықаралық сауда компаниясымен бірлесіп ауыл шаруашылық өнімдерін өңдейтін зауыт салу жобасы арқылы 5,4 млрд. теңге инвестиция келеді және 730 жаңа жұмыс орыны ашылады», - деп хабарлайды ШҚО-ның Ақпарат орталығы Бесқарағай ауданының әкімі Нұржан Тоқсейітовқа сілтеме жасай отырып.

Хабарланғандай, «LONG XIN»ЖШС компаниясы мен Бесқарағай ауданы әкімдігінің арасындағы ынтымақтастық туралы меморандум Өскемен қаласында өткен «Алтай АгроИнвест» инвестициялық форумында бекітілді.

Ауыл шаруашылық өнімдерін өңдейтін ауқымды жоба 5 жылдың ішінде жүзеге асыралады, деп жоспарланып отыр. Бұл жобаны жүзеге асыру үшін соя, асбұршақ, фасоль, күнбағыс, асқабақ және қарбыз егуге 14 754 гектар жер бөлінген.

«Экономикалық жағдай, халықтың тұрмыс деңгейі, ауданымыздың азық-түлік қауіпсіздігі аграрлық сектордың тұрақты жұмыс істеуіне айтарлықтай байланысты. Бүгінгі таңда компания көктемгі егіс жұмыстарына кірісіп кетті. Инвесторлар қолданатын техникалар «СемАз» ЖШС-нен сатылып алынды. Сондай-ақ, кәсіпорынға 20 тонна гербицид, 200 тонна дизельдік отын, 100 тоннаға жуық тұқым сатып алынды»,-дейді аудан әкімі.

Сонымен қатар аталып өткендей, зауыт жұмысшыларының басым бөлігін аудан тұрғындары құрайтын болады. Семей қаласының Ш.Құдайбергенов атындағы университеті мен Бесқарағай колледжінде өткен бос жұмыс орын жәрмеңкесінде 50 студент жұмысқа қабылданды.