ҚР-да шетел валютасына сұраныстың барынша төмендеп отырғаны байқалады

ҚР-да шетел валютасына сұраныстың барынша төмендеп отырғаны байқалады - Ұлттық банк

30 Марта 2016 1745 Ақышев, шетелвалютасы, Ұлттықбанкі

Алматы. 30 наурыз. Ақпараттар орталығы. Қазақстанда тұрғындар тарапынан шетел валютасына деген сұраныстың барынша төмендеп отырғаны байқалуда, деді ҚР Ұлттық банкінің төрағасы Данияр Ақышев бүгін «Корпоративті басқару: Қазақстанға инвестиция тартудың жаңа көзқарасы» тақырыбындағы ұлттық форумда.

Ұлттық банк ақпарынша, ағымдағы жылдың қаңтарында халық айырбастау пункттерінен 213 млн доллар сатып алды.

«Ақпанда қарқын күшейді. Алғашқы рет соңғы 10 жылда айырбастау пункттерінде халықтың шетелдік валютаны көп мөлшерде сатып алмағандығы байқалды. Ақпан айында халық 277 млн доллар шетелдік валютаны сатып алған», - деді Д. Ақышев.

ҚР ҰБ басшысы келтірген ақпарға сәйкес, «Жалпы, ақпан айы мен наурыз айының бірінші жартысының қорытындысы бойынша депозит үлесінің өсімі байқалып отыр, яғни долларсыздану процесі кеңінен таралуда». ҚР ҰБ ақпарынша, ағымдағы жылдың қаңтар-ақпанында ұлттық валютадағы депозиттер 307,6 млрд теңгеге артқан (6,2%), соның ішінде тұрғындар депозиті – 96,0 млрд теңгеге (6,7%).

Бұл ретте Ұлттық банк басшысы реттеушінің «күрт құбылудың алдын алу және қаржылық тұрақтылыққа қауіп төнген жағдайда валюта нарығына қатысу құқығын өзіне қалдыратынын» атап өтті.

Д. Ақышев еске салғандай, «2016 жылдың наурызында айырбас бағамы бір АҚШ долларына 343-349 теңге диапазонында құбылып тұрған». Бұл ретте ол Ұлттық банктің «айырбас бағамы бойынша бағдарының жоғын және оның мәнін болжамайтынын» атап өтті.

ҚР ҰБ ақпары бойынша Ұлттық банктің жалпы халықаралық қоры 2016 жылдың ақпан айының аяғына 27,8 млрд доллар құраған. Бұл ретте елдің халықаралық қоры жалпы Ұлттық қордағы шетел валтасындағы активтерін қоса алғанда (63,5 млрд доллар), 91,3 млрд доллар құраған.