Қазпочтаның клиенттеріне жеңілдетілген шарттары бойынша Қазкомның 2200 банкоматтары мен 300 бөлімшелері қолжетімді болады

16 Апреля 2015 1196

Казпочта мен Қазкоммерцбанк стратегиялық серіктестік жайында мәмілеге қол жеткізіп, осы мәміле аясында, қызмет көрсету жүйесін біріктіру және банктік карталардан қолма-қол ақшаны алу тарифтерін бірігейлендіру бойынша жобаны іске қосты, деп хабарлайды баспсөз қызметі.

Енді банк клиенттері, Visa және MasterCard карталардың иелері Қазпочтаның банкоматтары мен кассалары арқылы қолма-қол ақшаны артық төлемсіз ала алатын болады.

Казком мен БТА банктердің бірігуінің арқасында БТА клиенттері де біріктірілген жүйеге қол жеткізеді. Казком, БТА Банк және Қазпочта банкоматтарының жалпы саны 2400 данаға көбейеді, ал бөлімшелердің саны 3300 дейін жетеді.

«Осы серіктестіктің аясындағы ең бірінші қадамымыз – ол зейнеткерлер үшін қандай да бір комиссияны болдырмау, ал Қазпочта төлем карталарының басқа да ұстаушылары үшін біз жеңілдетілген тарифтерді ұсыну жөнінде жоба дайындаудамыз», — деді Қазпочта басқарма төрағасы Бағдат Мусин.

Казком мен БТА карталарының ұстаушылары Қазпочтаның 1100 артық бөлімшесінен POS-терминалдар арқылы ешбір комиссиясыз қолма-қол қаражатты ала алады. Осы жылдың аяғына дейін жалпы республикадағы 3000 бөлімшесі бар Қазпочтаның 2200 бөлімшесінде қолма-қол ақшаны алу операциясы қолжетімді болмақ. Клиенттер енді қолма-қол ақшаны алу операцияда 50 теңгеге дейін үнемдесе, ҚКБ мен БТА транзакцияларының жалпы көлемінде айына шамасы 60 млн.теңгеге дейін үнемделеді.

«Қазпочтаның клиенттері – зейнеткерлер де қазірдің өзінде Казком мен БТА-ның қызмет көрсету жалпы желісінде комиссиялардан босатылды», — делінгіен хабарламада.

«Біздің есептеуімізше, біздің желілеріміздің бірігуінің нәтижесінде карта ұстаушылары қолма-қол ақшаны алу кезінде алынатын комиссиялардың өзінен жылына жарты миллиард теңгеге дейін үнемдейтін болады. Біз серіктестікті ары қарай дамытуға әрі өз клиенттерімізге бірегей артықшылықтарды, яғни Қазпочтаның кең таралымын және Казкомның үздік банктік технологияларын ұсынуға ниеттіміз», — деді Қазкоммерцбанктің басқарма төрағасы Мағжан Әуезов.