Қазақстанда жылдық инфляция деңгейі жоғары болып қалып отыр

Қазақстанда жылдық инфляция деңгейі жоғары болып қалып отыр - Ақышев

30 Марта 2016 1707 инфляция, Ұлттықбанк, Ақышев

Алматы. 30 наурыз. Ақпараттар орталығы. Қазақстанда жылдық инфляция деңгейі жоғары болып қалып отыр, деді Қазақстан Ұлттық банкінің төрағасы Данияр Ақышев «Корпоративті басқару: Қазақстанға инвестиция тартудың жаңа көзқарасы» тақырыбындағы ұлттық форумда .

Ұлттық банк басшысы хабарлағандай, ағымдағы жылдың наурызында Қазақстанның ақшалай нарығында теңгелік өтімділіктің артылуы байқалды. «Осы жағдайда артық өтімділікті алу ақша нарығының балансын қамтамасыз етуге жұмсалды», - деді Д. Ақышев.

Ол «2016 жылдың 2 ақпанынан бастап Ұлттық банк базалық мөлшерлемені белгілеуді жаңғыртқанын, соны ескере отырып, өтімділікті алу базалық мөлшерлеме дәлізінің ең төменгі шегіне тең (15%) мөлшерлеме бойынша жүзеге асырылатынын, өтімділікті ұсыну операциялары – мөлшерлеме дәлізінің ең жоғары шегі бойынша (19%), ақшалай-несие саясатының басқа операциялары – пайыздық дәліздің ішкі мөлшерлемесі бойынша жүргізілетінін» еске салды. .

«Біздің пікірімізше, әзірге базалық мөлшерлемені төмендетуге қажеті жағдай туындаған жоқ. Мұнайдың әлемдік нарығындағы тұрақтану белгілері әзірге тұрақсыз сипатқа ие болып отыр. Қазақстандағы жылдық инфляция деңгейі жоғары болып қалып отыр», - деді ҚР ҰБ төрағасы «ақшалай-несие саясатын табысты жүзеге асыру аясында Ұлттық Банктің жүргізілетін операциялардың транспаренттілігіне талпынатынын» түсіндіріп.

«Атап айтсақ, ҚР ҰБ ай сайынғы негізде валюта нарығында интервенция көлемін ауызша жариялауды бастады, ал 1 сәуірден бастап оларды ресми сайтта жариялауға кіріседі», - деді Д.Ақышев.

Сонымен қатар, «1 ақпаннан бастап Ұлттық Банк банктерді өтімділік көлемі туралы ақпараттандыру үшін Ұлттық Банктегі корреспонденттік шоттардағы банктердің теңге қалдықтарын жариялады, ал 1 сәуірден бастап Ұлттық Банк күн сайынғы негізде ресми сайтта ақшалай нарықта жүргізілген операциялар туралы ақпаратты жариялауды бастайды».

Бұл ретте ҚР ҰБ басшысы Қазақстанда 2016 жылы инфляцияға бәсеңдеу сипаты тән болатынын атап өтті. Нәтижесінде жылдық инфляция 8% аспайды, яғни Ұлттық банк пен үкімет белгілеген дәлізге қайта оралады.

Хабарда айтылғандай, 2015 жылы теңге бағамын түзету әсіресе 2015 жылдың екінші жартысында инфляциялық процестердің артуына алып келген. Нәтижесінде 2015 жылы жылдық инфляция деңгейі 13,6% құрап, ақпан айының ағында 15,2% артты.

Д. Ақышев атап өткендей, «2016 жылы Ұлттық банктің негізгі күші 6-8% дәлізіндегі инфляция бойынша нысаналы көрсеткіштерге қол жеткізуге жұмсалатын болады».