Қазақстан 2017 жылы ЭЫДҰ инвестициялар жөніндегі комитетке енуді жоспарлауда

03 Мая 2016 1520 Қазақстан, ЭЫДҰ, инвестиция

Алматы. 3 мамыр. Ақпараттар орталығы. 2017 жылы Қазақстан Экономикалық ынтымақтастық және даму ұйымының (ЭЫДҰ) Инвестициялар жөніндегі комитетіне кіруді жоспарлауда, деп хабарлады бүгін брифинг барысында ҚР ИДМ Инвестициялар жөніндегі комитеттің төрағасы Ерлан Хаиров.

«Біз 2017 жылы ЭЫДҰ Инвестициялар жөніндегі комитетке енуді жоспарлап отырмыз. Бұл біздің инвестициялық климаттың ЭЫДҰ стандарттарына сәйкес келетінінің белгісі және дәлелі болады», - деді Е.Хаиров.

Оның айтуынша, 2016 жылдың басынан бастап ИДМ-ге 300 мемлекеттік қызмет көрсетуге 400-ден астам өтініш келіп түсті.

Комитет басшысы атап өткендей, министрлікте шетел инвесторларын тартудың үш деңгейлі жүйесі қалыптасқан.

«Бірінші кезекте, Президент сыртқы деңгейде сыртқы саяси ведомстволардың қызметін экономизациялауды тапсырды. Басым елдерге қосымша елшіліктердің арнайы 10 кеңесшісі жіберілді. Олардың жұмысының басым бағыты инвестиция тарту, келісімдерді жүзеге асыру және қазақстандық экспортты жылжыту болып табылады. Сондай-ақ, «Kaznex Invest» 5 өңірлік фронт-кеңсесі ашылуда, олардың негізі әлемнің іскерлік орталықтарында қаланады, және оның негізгі міндеті инвесторларға арналған «бір терезе» аясында жұмыс жасау», - деді ведомство басшысы.

Сонымен қатар инвестициялар тарту бойынша үкіметтік кеңес құрылды, ол трансұлттық компаниялардың қатысуымен стратегиялық инвесторлар бойынша жұмыстарды үйлестіріп, қарайды.

«Президенттің Жолдауында инвестиция тарту бойынша жан-жақты жоспар түзу туралы тапсырма берілген болатын. Біз ЭЫДҰ-мен бірлесіп сараптама жасап, 12 ұсыныс жасақтадық. Бұл 12 ұсыныс аталмыш жоспарда көрініс тапты. Бұдан басқа, барлық меморгандарға, әкімдіктер мен ұлттық компанияларға инвестиция тарту, әр секторда инвестициялық климатты жақсарту бойынша олардың жұмыс істейтін стратегиясына енгізуі үшін тапсырмалар түзілді», - деп атап өтті Е. Хаиров.