Қалдықтардан бишофит - Жітіқарада жаңа өндіріс ашылды

30 Октября 2020 49796

Баспасөз релизі

30 қазан 2020 ж.

Қалдықтардан бишофит - Жітіқарада жаңа өндіріс ашылды

Қостанай облысы, Жітіқара қаласында хризотил-асбест шикізатының техногендік қалдықтарынан бишофит өндірісі ашылды.

Жобаны «Ғылым қоры» АҚ қолдауымен «Минералды шикізатты кешенді қайта өңдеу ұлттық орталығы» мен «Тау-кен технологиялары» ЖШС жеке серіктесі жүзеге асырды.

Кәсіпорынның бастапқы кезеңіндегі қуаттылығы жылына 200 тоннаны құрайды.

Бишофит мұзданудан сақтайтын құрал және өзі тектес басқа реактивтермен салыстырғанда экологиялық таза, бағасы төмен және автомобильдерде металл коррозиясын тудырмайды.

«Ғылым қоры» АҚ Басқарма Төрағасы Арын Орсариев Қазақстанда хризотил-асбест қалдықтарынан бишофит өнеркәсіптік өнімі бірінші рет өндіріліп жатқанын баса айтты. Бірегей технология - бұл нақты сектор ғалымдардың білімін нақты сектор үшін іс жүзінде қолдану нәтижесі.

Өндірісті іске қосу рәсімінде «Қостанай минералдары» АҚ басқармасының төрағасы Ербол Нұрхожаев компания қалдықтарды басқаруға, өндірістің экологиялық тиімділігі мен энергия тиімділігіне басты назар аударатынын атап өтті. Ғылыми көзқарастың арқасында біз қоршаған ортаны жақсартуға тағы бір қадам жасадық деді.

Өндіріс хризотил-асбест шикізатының жинақталған өндірістік қалдықтарын тәулігіне 0,8 тонна мөлшерінде хлорлы магний (бишофит) алу үшін қайта өңдеуді қамтамасыз етеді.

Хлорлы магний және оның ерітінділері тамақ өнеркәсібі және басқа өнеркәсіп орындарында металды магний,магнезиялық байланыстырғыштардың, отқа төзімді материалдардың, бальнеологиялық препараттардың шикізаты бола алады.

Бишофиттің әлемдегі негізгі қолданылатын түрі—қатқаққа (мұздануға) қарсы қолданылатын материал. Магний хлоридін тұтыну әлемдік нарықта 1 миллион тонна, Қазақстанда 20 мыңнан астам тонна болып есептеледі.

«Ғылым қоры» АҚ