ОҚО-да мектеп оқушысы мемшекараны бұзушыларды ұстауға көмектесті

10 Февраля 2016 1635 ОҚО, Оқушы, Шекара

Алматы. 10 ақпан. Ақпараттар орталығы. Оңтүстік Қазақстан облысында алтыншы класс оқушысы шекарашыларға мемлекеттік шекараны бұзушыларды ұстауда көмектесті, деп хабарлады ҚР ҰҚК Шекара қызметінің баспасөз қызметінен.

Хабарда айтылғандай, Сарыағаш шекара жасағының «Достық» шекара заставасының жасағы Қазақстанның мемлекеттік шекарасын жаяу бұзып өтпекші болған Өзбекстанның екі азаматын ұстады.

Бұл ретте, оларға Сарыағаш ауданы Ынтымақ елдімекені С.Айни атындағы орта мектептің 6 класс оқушысы Мұстафа Әбдікаримов көмектескен.

Мектеп оқушысы күдіктілердің мемлекеттік шекараны бұзып өтпекші болып жатқанын көріп, байқап, тез арада шекарашыларға хабарлаған.

Түсініктеме алу барысында белгілі болғандай, Өзбекстан азаматшасы өзінің жерлесінің белсенді әрекетінің арқасында мемшекараны бұзған.

Көрсеткен көмегі үшін ҚР ҰҚК ШҚ 2020 әскери бөлімінің командирі подполковник Бауыржан Абсаматов жас көмекшіге алғыс айтты. Оқушыны мектепте марапаттады.

Әскери бөлім басшылығы мектеп директорына, класс жетекшісі мен батырдың өзіне бағалы сыйлық пен грамота тапсырды. Сонымен қатар оқушының ата-анасы Бахтияр мен Маржангүл Әбдікаримовтер де марапатталды.

Сонымен қатар шекара жасағы әскери оркестрінің әскери қызметкерлері мектептің акті залында концерт ұйымдастырды.

Баспасөз қызметі атап өткендей, бұл жергілікті тұрғындардың шекараны қорғауда шекарашыларға көмектесуінің жалғыз фактісі емес. Былтыр қыркүйекте «Қапланбек» шекара заставасының учаскесінде ОҚО Сарыағаш ауданы М.Ұлықбек ат. орта мектептің 7 және 5 класының екі оқушысы шекара режимін бұзушыларды ұстауға көмектескен.