ХҚҚДБ Қазақстанға энергия тиімділігін арттыру үшін грант береді

27 Февраля 2015 1041

Сенат Қазақстан және Халықаралық Қайта құру және Даму Банкі арасындағы «Грант жөніндегі келісімді ратификациялау туралы» жобасын қолдады, деп хабарлайды ҚР Инвестициялар және даму министрлігінің баспасөз қызметі.

Бұл құжат бойынша Қазақстанға 21 млн. 763 мың АҚШ доллары мектептер, бала бақшалар, аурухана және көше нысандарын жарықтандыруға модернизациялау арқылы энергия тиімділігін арттыру, сонымен бірге мемлекеттік энергетикалық реестрге техникалық көмек көрсету, оның нормативтік-заңнамалық базасын жақсарту, мемлекеттік энергетикалық реестрді автоматтандыру, Астана қаласының ахуалын зерттеу, насихаттау, энергиялық тиімділік орталығын құруға бөлінген.

Бұл жоба 2017 жылғы 30 маусымға дейін есептелген. Осы уақыт ішінде мемлекеттік, әлеуметтік нысандарды модернизациялау жөніндегі 70 жобаны, сонымен бірге нормативтік-заңнамалық және энергиялық тиімділігінің институциялдық базаларын жақсартуды жүзеге асыру жоспарланған.

Мемлекет басшысы жалпы ішкі өнімді 2015 жылға дейін энергия тиімділігін 10% және 2020 жылға қарай 25% төмендету тапсырған.

Министрлігтің мәліметінше, бүгінгі таңда ҚР «Энергияны үнемдеу және энергия тиімділігі арттыру туралы» Заңы қабылданған, 22 нормативтік құқықтық акт бекітілген, «Энергияны үнемдеу – 2020» Бағдарламасы қабылданған. Энергияны үнемдеудің 16 өңірлік және 5 салалық жоспарлары, сондай-ақ «Самұрұқ-Қазына» ҰБҚ» АҚ және оның еншілес компанияларының бағдарламасы жүзеге асырылуда.

Электроэнергетика және энергия үнемдеу институты құрылған. Қажетті кадрларды даярлау үшін еліміздің 5 жоғарғы оқу органдарында энергия үнемдеу жөніндегі мамандық ашылған. Энергия үнемдеу жөнінде 7 ғылыми және 18 оқу орталығы, энергия тиімділігін көрсететін орталықтар ашылған. Бір мыңға жуық мамандар даярланған.

Республиканың ірі энергия пайдаланушыларының Мемлекеттік энергетикалық реестрі қалыптастырылды. Бұл реестрдің субъекттері ретінде 7 мыңнан астам заңды тұлғалар тіркелді, деп хабарлайды баспасөз қызметі.