Казком мүлікке тыйым салынған кепілдік келісімшарттарын тіркеуге келісті

27 Апреля 2016 1797 Казком, ипотека, заемшылар

Алматы. 27 сәуір. Ақпараттар орталығы. Казкоммерцбанктың алматылық кеңсесінде проблемалы ипотекалық заемшылар мен олардың мүддесін қорғайтын қоғамдық ұйымдармен кездесу өтті, деп хабарлайды банктың баспасөз қызметі.

Хабарланғандай, 2016 жылдың 15 сәуіріндегі жағдай бойынша Казком мемлекеттік бағдарлама аясында ипотеканы қайта қаржыландыру бойынша 6 мыңға жуық өтінішті қарастырды. Оның ішінде 4,5 мың өтініш бойынша қайта қаржыландыру шешімі шығарылды. Бүгінде шамемен 3,4 мың займ 15,4 млрд теңгеге жуық сомаға қайта қаржыландырылды.

Аталып өткендей, бағдарламаны жүзеге асыруда қайта қаржыландыру өтініштерінің басым бөлігі бойынша займдардың сот актілерінің болуы қиындықтар тудыруда, себебі олар несие құжатнамасын тез рәсімдеуге және әділет органында кепілдік келісімшартын тіркеуге кедергі келтіреді.

«Казкоммерцбанк Ұлттық банкпен және Алматы қаласы әкімдігімен бірлесіп аталмыш мәселені шешумен айналысуда; Қазақстанның бірқатар аймақтарында, оның ішінде Алматыда мүлікке тыйым салынған кепілдік келісімшарттарын тіркеу бойынша келісімге қолжеткізілді», - деп хабарлайды баспасөз қызметі.

Алайда валюталық займды өтеу бойынша қиындықтарға душар болған банк заемшылары бағдарламаға қатыса алмайды, себебі олардың займдары 2009 жылдан кейін рәсімделген. Осы ретте банк Ұлттық банк бекіткен бағдарламаның операторы бола тура оның шарттарына қарсы әрекет істей алмайды.

Аталып өткендей, банк проблемалы заемшылармен кездесуді ұдайы өткізіп келеді.

«Банк бағдарламаға оның шарттарына жауап беретін барлық заемшылардың енгеніне мүдделі. Осы мақсатпен Казком бағдарламаға қатысушы өзгеде банктермен және қоғамдық бірлестіктердің өкілдерімен ҚР Ұлттық банкіндегі арнайы жұмыс тобы аясында ұжымдық талқылауға қатысып келеді. Бүгінде Ұлттық банк заемшылардың басым бөлігіне бағдарламаға қатысуға мүмкіндік беретін бірқатар түзетулерді қабылдап үлгерді», - делінген хабарламада.

Казком бағдарлама талаптарына сай келетін заемшыларына тезірек тұрғылықты жері бойынша банк бөлімшелеріне тиісті құжаттар тізімімен бірге келіп өтініш тастауға шақырады.