Жыл соңына дейін Алматыда электронды билеттендіруді енгізілінеді

08 Апреля 2015 1132

Бұл жөнінде қала әкімі Ахметжан Есімов Көлік холдингінде электронды билеттендіру және орталық диспетчерлік қызмет жобаларының тұсаукесер рәсімі кезінде айтты, деп хабарлайды әкімнің баспасөз қызметі.

Жүйе жолақының мол түсуін қамтамасыз етіп, оның көлеңкелі жағын болдырмайды. Электронды билеттендіру барлық бағыттағы жолаушылар көлігін, автобустарды, троллейбустарды, трамвайлар мен метроны, муниципалды көлік пен жеке көлікті де қамтитын болады.

«Қаланың қоғамдық көлік саласын реформалау көлемді қаржыны қажет етеді, сондықтан бұл іске біз инвесторларды тартып отырмыз. Мұндағы жеке инвестицияның жалпы сомасы 12 млн. АҚШ долларын құрап отыр. Мен Көлік холдингінің алдына электронды билеттендіруді ағымдағы жылдың аяғына дейін енгізу міндетін қойдым», — деді Ахметжан Есімов.

Орталық диспетчерлік қызмет қаланың қоғамдық көлігі бағыттарының жұмыс кестесіне мониторинг жүргізеді. Жоба әрбір муниципиалды көліктің қозғалысын саралап, бағыттарды оңтайландыруға ықпал ететіді. Жылжымалы составтарға ОДҚ қозғалыстың нақтылы уақытын көрсететін GPS-трекерлер орнатылады. Ол жүргізушіге алдағы және кезектегі көлік туралы ақпарат беретін борттық компьютер қызметін атқарады және қажет болған жағдайда диспетчермен байланысқа шығуына мүмкіндік жасайды.

Қоғамдық көлікті басқару жүйесін жетілдіру мақсатында 2013 жылы әкімнің тапсырмасы бойынша «Алматы қаласының Көлік холдингі» ЖШС-і құрылған. Компанияға қалада жолаушылар мен жүк тасымалдаудың барлық өндірістік мәселелері — қоғамдық көліктер аялдамаларын, айналма және соңғы айналым алаңдарын абаттандыру, электронды билеттендіру, диспетчерлік қызмет, тасымалдаушылардың келісімшартта көрсетілген міндеттерді қалай орындап жүргендерін бақылау мен тексеру сынды функциялар түгелдей дерлік берілген, деп хабарлайды баспасөз қызметі.

Алматының муниципалды қоғамдық көлігі 2014 жылы 95 млн. жуық жолаушыны тасымалдаған, бұл бұрнағы жылмен салыстырғанда 34,4%-ға көп. Жалпы, өткен жылы жеке автобус тасымалдаушылар мен метрополитенді қоса есептегенде мегаполисте 262,2 млн. жолаушы тасымалданған, бұл бұрнағы жылмен салыстырғанда 12,5%-ға көп.