Жұмыспен қамтудың жол картасы бойынша 156 мың адам жұмысқа орналасқан

10 Февраля 2016 1666 ЖұмыспенҚамту

Алматы. 10 ақпан. Ақпараттар орталығы. «Жұмыспен қамтудың жол картасы – 2020» бағдарламасы бойынша 2015 жылы 150 мыңнан астам қазақстандық жұмысқа орналасқан, деп мәлім етті Астанадағы брифингте ҚР денсаулық сақтау және әлеуметтік даму министрінің орынбасары Біржан Нұрымбетов.

«Жұмыспен қамтудың жол картасы – 2020» бағдарламасы аясында 156 мың адамның 142,3 мыңы тұрақты жұмысқа орналасты. Былтыр аталмыш бағдарламаға 4 мың 400 мүмкіндігі шектеулі жандар, 3 мыңнан астам 11 класс оқушылары, 300 бас бостандығынан айыру орнынан келгендер, 280 оралман мен 200 жетім және балалар үйінің тәрбиеленушілері, жетім және ата-анасының қамқорлығынсыз қалған балалар қатысты», — деді Б. Нұрымбетов.
Атап айтсақ, ЖЖК бірінші бағыты аясында— инфрақұрылымды және тұрғын-үй-коммуналдық шаруашылықты дамыту арқылы жұмыспен қамтуды қамтамасыз ету — 2015 жылы 565 жобаны жүзеге асыру аяқталды, ашылған жұмыс орындарына 8,6 мың адам жұмысқа орналасты.
Екінші бағыт — жеке кәсіпкерлік қызмет пен тірек ауылдарын дамыту арқылы жұмыс орындарын құру бойынша — кәсіпкерлік негіздерін оқып, 6 мыңнан астам адам шағын несие алған, олардың ішінен шамамен 4,1 мың адам алғаш рет өз ісін ашты. Соның нәтижесінде ағымдағы жылы қосымша тағы да 6,1 мың адам жұмысқа орналасты.
Үшінші бағыт — жұмысқа орналасуға оқыту және әрекеттесу, жұмыс берушінің қажеттіліктері аясында қоныс аудару бойынша — кәсіби оқумен 14 мың адам қамтылды, оның 10,7 мыңы жұмысқа орналасты. 20,7 мыңнан астам азамат әлеуметтік жұмыс орындарына және жастар тәжірибесі аясында жұмысқа орналасты. Сонымен қатар 2015 жылы үшінші бағыт бойынша экономикалық әлеуеті төмен елдімекенерден 1200-ден астам көшірілді.
Бұл ретте мемлекеттің қолдауынсыз бос жұмыс орындарына 102 мыңнан астам адам орналасқан.
Вице-министр сонымен қатар, жұмысқа орналасуға ықпал етудің өңірлік кешенді жоспарын жүзеге асыру аясында 2015 жылы 423 мыңнан астам адамның немесе жоспарланған адамның 131%-ның қамтылғанын айтты. 396 мыңнан астам адам жұмысқа орналасқан, соның ішінде тұрақты жұмыс орындарына 218 мың адам.