«Дарынды балаларға - талантты ұстаз» XI халықаралық олимпиада

04 Мая 2016 1985

БАСПАСӨЗ-ХАБАРЛАМАСЫ

Білім беру «Қазақстан -2050» Стратегиясының басым бағыттарының бірі болып табылады. Тек жоғары білімді ұлт бәсекеге қабілетті бола алады.

Бүгін елімізге Қазақстанды жаңа белестерге жеткізетін барлық жағынан білікті де білімді мамандар қажет. Олар жасампаз, ойлау қабілеті ерекше зияткер, ойлау мен қызметтің қарқынды дамуын түсінуге қабілетті және осы өзгерістер контескінде өзінің кәсіби қызметіне рефлексивті өзгерістер енгізе алатын жаңа формациялы педагогтар. Жас ұрпақтың жан-жақты дамуы, оның сенімі және адамгершілік қабілеттерінің қалыптасуы, болашағы мұғалім еңбегіне тікелей байланысты.

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы 2016 жылдың 3-4 мамыр аралығында Қостанай педагогикалық колледжі базасында (Қостанай қ.) «Дарынды балаларға - талантты ұстаз» XІ республикалық педагогикалық олимпиадасын (бұдан әрі - Педагогикалық олимпиада) өткізеді.

ҚР Президентінің Жолдауын іске асыру аясында Педагогикалық олимпиаданы өткізудің негізгі идеясы - кәсіби педагогикалық білім мен педагогикалық мамандықтың маңыздылығын арттыру, осы мамандықты таңдаған талантты жастарды анықтау, оқу үрдісіне жаңашыл әдістер мен технологиялар енгізу, қазақстандық білім беру жүйесіне халықаралық тәжірибені тарату, жастарға патриоттық, адамгершілік, рухани тәрбие беру.

Педагогикалық Олимпиаданың ережесіне сәйкес олимпиадаға төмендегілер қатысады:
педагогикалық ЖОО таңдаған жоғары сынып оқушылары, педагогикалық жоғары оқу орындарының студенттері (II – IV курстардың,) педагогикалық (гуманитарлық) колледждердің білім алушылары, магистранттар (1-2 жыл оқыған), педагогтар (5 жылға дейін еңбек өтілі бар), психологтар (5 жылға дейін еңбек өтілі бар), тәлімгерлер (5 жылға дейін еңбек өтілі бар).

Осы жылғы Педагогикалық олимпиаданың ерекшелігі – олимпиадаға жақын шет елдерден командалар қатысады.

Барлық қатысушылар педагогикалық олимпиаданың Ережесіне сәйкес өзінің кәсіби-педагогикалық қызметінің деңгейін, оның ішінде педагогикалық зерттеу қызметі, кәсіби педагогикалық білім беру шеберлігін, педагогке тән жеке кәсіби қасиеттерін көрсетеді.

Педагогикалық олимпиаданың қазылар алқасының мүшелері ретінде ЖОО-ның, гуманитарлық колледждердің оқытушылары, жоғары санаттағы мұғалімдер мен психологтар шақырылған.

Педагогикалық олимпиаданың жеңімпаздары мен жүлдегерлері деңгейлеріне сәйкес «Дарын» РҒПО-ның I, II, III дәрежелі дипломдарымен марапатталады. Барлық қатысушыларға сертификаттар тапсырылады.

Педагогикалық олимпиаданың ЖАБЫЛУЫ 4 МАМЫР КҮНІ САҒАТ 13:00-ДЕ ҚОСТАНАЙ Қ., МАЯКОВСКИЙ КӨШЕСІ-199, тел:
8 /7142/ 26-64-54; Қостанай облыстық Мирас мәдениет сарайында өтеді.

Қосымша ақпарат үшін байланыс тел.:8 /7142/26-36-44; 8-747-539-13-44; (Қымбат Сағындыққызы) 8 /7172/ 29-49-98; (Астана қ «Дарын»РҒПО, ПШЗ )