БҰҰ комитеті «Алма-ата инфо» редакторының арызын қанағаттандырды

14 Апреля 2016 1890 БҰҰ, адамқұқықтары, «Алма-атаинфо», Есергепов

Алматы. 14 сәуір. Ақпараттар орталығы. БҰҰ-ның адам құқықтары бойынша комитеті «Алма-ата инфо» газетінің бас редакторы Рамазан Есергеповтың сот пен тергеу барысында құқығының бұзылғаны туралы шағымын қанағаттандырды.

«БҰҰ-ның адам құқықтары бойынша комитетінің кезекті шешімі шығарылды, бұл жолы ол Рамазан Есергеповқа қатысты болды. Қазіргі таңда БҰҰ-ның үш органында – азаптауға қарсы, адам құқықтары бойынша және әйелдерді кемсітуге қарсы комитетінде - Қазақстанның пайдасына емес шешім қабылданды. Барлық шешімдер шағымданушының пайдасына шешілген», - деді Адам құқығы және заңдылықты сақтау жөніндегі Қазақстан халықаралық бюросы кеңесінің төрағасы Евгений Жовтис бейсенбідегі баспасөз конференциясында.

Осы ретте ол атап өткендей, алғаш рет БҰҰ-ның комитеті Қазақстанның азаматтық және саяси құқық – сөз еркіндігі мен ақпаратты алу және оны тарату құқығы туралы 19 бапты бұзғанын растады.

«Бұл 19 бапты - сөз еркіндігі мен ақпаратты алу және оны тарату құқығының бұзылғаны туралы алғашқы іс. Р.Есергепов қоғамды қызықтыратын қоғамдық мәселелер туралы ақпараттандыру бойынша өз жұмысын орындады», - деді ол.

БҰҰ-ның адам құқықтары бойынша комитеті Қазақстан Республикасы Пактіге қатысушы-мемлекет ретінде Рамазан Есергеповтың ісінде Пактінің 5 бабының талаптарын - 9 (5), 14 (1), 3 (б), 3 (д) және 19 (2) – жабық түрде сот тыңдауларын жүргізу және сот шешімін жариялау, Р.Есергеповтың өз құқығын қорғауға тыңғылықты дайындалуға мүмкіндік бермеу, заңсыз бас бостандығынан айыру және Р.Есергеповтың жариялымының қоғамдық тәртіпке зиянын тигізетіні туралы дәлелдің болмауы және т.б. – бұзғанын анықтады.

Е.Жовтистің айтуынша, Қазақстан Республикасы Р.Есергеповқа лайықты өтемақы тағайындап, болашақта осындай құқық бұзушылықтардың алдын алуы тиіс.

Естеріңізге сала кетейік, 2009 жылы 6 қаңтарда Р.Есергепов ҰҚК қызметкерлерімен қандайда бір құжат көрсетпестен алматық кардиология ауруханасында тұтқындалып, Тараз қаласына жіберілген болатын. Онда ол 2009 жылды толығымен уақытша тергеу абақтысында өткізді. Бастапқыда тергеу барысында, кейіннен сот тыңдауларын өткізді. 2009 жылы 8-ші тамызда Тараздың № 2 қалалық соты «Алма-Ата Инфо» газетінің редакторы Рамазан Есергеповты үш жылға соттап, жазасын жалпы тәртіптегі колонияда өтеу туралы үкім шығарды. Сонымен қатар, оған екі жыл бойы журналистік кәсіппен айналысуға тыйым салынды. Жоғарғы инстанциялар, тіпті ҚР Жоғарғы соты үкімді өзгеріссіз қалдырды және Р.Есергепов БҰҰ-ның адам құқықтары бойынша комитетіне шағым түсірді.