Бұрынғы әскери полигон жеріне халықаралық көлік тас жолы салынады

02 Февраля 2016 1327 Пайда, ӘскериПолигон

Алматы. 2 ақпан. Ақпараттар орталығы. Жалға берілуден шығарылған әскери полигондардың жер телімдері Қазақстанның экономикалық мүддесінде пайдаланылатын болады, деп хабарлады ҚР қорғаныс министрлігінің баспасөз қызметінен.

Баспасөз қызметінде еске салғандай, 2015 жылдың 16 сәуірінде Қазақстан Республикасының Қорғаныс министрлігі және Ресей Федерациясының Қорғаныс министрлігі төрт хаттамаға қол қойды, соған сәйкес Жамантау, Сарышаған және Тайсойған сынама полигондарының пайдаланылу мен жалға берілу тәртібі өзгерді.
Хабарда түсіндірілгендей, бұл келісімге дейін Ресейдің Қазақстан аумағында жалға алып жүрген әскери полигондардың жалпы ауданы 11 миллион га жерді құрады. Нәтижесінде жалға берілуден шығарылып, Қазақстанның аумағына 1,6 миллион га жер телімі берілді. Мұнда пайдалы қазбалардың коммуникациялары мен кен орны орналасқан.
«Қайтарылатын қазақстандық жер телімдерінде Қазақстанның экономикалық мүддесіне пайдалану жоспарланып отырған пайдалы қазбалар бар. Сонымен, жер телімдерінің бір бөлігі «Батыс Еуропа – Батыс Қытай» халықаралық көліктік дәліздің құрамына кіретін «Самара-Шымкент» автомобильді жолын салуға кетеді», — делінген хабарда.
Жалға берілуден шығарылған жер телімдерін пайдалану Қарағанды және Жамбыл облысының экономикасына қолайлы болады деп күтілуде.
Хабарда айтылғандай, Ресейдің Қазақстанның әскери полигондарының жер телімдерін жалға алып жүрген бөліктерін қайтару, сондай-ақ аталмыш нысандарды жалға алу және пайдалану тәртібі туралы ҚР мен РФ арасындағы шарттарға өзгерістер мен толықтырулар енгізу жөніндегі келісім президент Н. Назарбаевтың тапсырмасына сәйкес әзірленген.