Ақтөбе облысында тұрғын үй құрылысын қаржыландыру артады

19 Февраля 2016 1413 АқтөбеОблысы, ТұрғынҮйҚұрылысы, Қаржыландыру

Алматы. 19 ақпан. Ақпараттар орталығы. Ақтөбе облысында тұрғын үй және әлеуметтік нысандар құрылысына қосымша 1,1 млрд теңге бөлінеді, деп хабарлады Ақтөбе ақпарат.

Ақтөбе облысының әкімі Бердібек Сапарбаевтың қатысуымен өткен облыстық мәслихаттың кезекті сессиясы барысында депутаттар 2016-2018 жылдарға арналған облыстық бюджетті нақтылап, дауыс берді.
Хабарда айтылғандай, депутаттар 2016 жылдың басына қалыптасқан 2 млрд 855 млн теңге көлеміндегі артылып қалған соманы қайта бөлді.
«Экономика және бюджеттік жоспарлау басқармасының басшысы Рузия Айдашева құрылыс саласының өсімін қамтитын, жұмыс орындарын ашатын және сақтайтын, бюджеттік инвестициялар көлемін арттыратын, сондай-ақ шағын және орта бизнесті қолдайтын міндеттерді шешуге жұмсауды ұсынды», — делінген хабарда.
Атап айтсақ, 1 млрд 127 млн теңгені тұрғын үй және әлеуметтік нысандар құрылысына жұмсау көзделіп отыр. Сонымен, оның ең көп бөлігі басталған және жаңа жобаларды жүзеге асыруға, соның ішінде тұрғын үй құрылыс жинақ банкі желісі бойынша «Нұр Ақтөбе» ықшам ауданындағы 540 пәтерлік 3 үйдің құрылысын жалғастыруға жұмсалады. Тағы 185 миллионнан астам теңге Ойыл, Қарғалы және Қобда аудандарындағы аудан орталығындағы жалдамалы және коммуналдық тұрғын үй құрылысына бөлінеді.
Қаржының бір бөлігі Ақтөбе қаласында облыстық мұражай мен жабық хоккей алаңының жаңа ғимаратының құрылысын қаржыландурға, мәйітхана құрылысының жобалық-сметалық құжаттамасын әзірлеуге жұмсалады.
Ақтөбе облысындағы ауылда медициналық пункттер енгізіледі, ал бірқатар елдімекенде газ жүргізу жұмыстары жүргізіледі.
«Сонымен қатар энергетика және ТҮКШ басқармасы өз жобаларын жүзеге асыру үшін 569 млн теңге, білім басқармасы 370 млн астам теңге, денсаулық сақтау басқармасы 200 млн теңгеден астам, дене шынықтыру және спорт басқармасы 80 млн теңгеден астам қаржы алды», — деп хабарлады Ақтөбе ақпарат.