Алматыда сот Ұлттық баспасөз-клубы ғимаратының үстіңгі екі қабатын сүру туралы шешті

18 Апреля 2016 1972 Алматы, Ұлттықбаспасөз-клубы, ғимарат, сот

Алматы. 18 сәуір. Ақпараттар орталығы. Алматы аудандық соты Ұлттық баспасөз-клубы ғимаратының үстіңгі екі қабатын сүру туралы шешім шығарды.

«12 қаңтарда Алматының жемқорлыққа қарсы қызметінің бастамасымен баспасөз клубы мен ҚазТАГ-та тексеріс басталды, ал 13 қаңтарда беймәлім ПИК төрағасының Алматыдағы баспасөз клубының 3 және 4 қабатын сейсмикалық қауіпті ретінде сүруді талап ететін арызымен сот басталды. Алғашқы инстанция ғимараттың жоғарғы екі қабатын сүру туралы шешім шығарып үлгерді», - делінген дүйсенбідегі баспасөз конференциясында таратылған баспасөз ақпарында.

Өз кезегінде, «Әділ сөз» сөз бостандығын қорғау бойынша халықаралық қорының президенті Тамара Қалеева мәлімдегендей, ғимараттың жоғарғы екі қабаты заң аясында көтерілген.

«Нысан барлық бекітілген нормаларға сәйкес салынды, қабылданды және қайта тұрғызылды. Ғимарат МСҚББ-мен қабылданды және Алматы әкімдігімен заңдастырылды. 10 жыл өтеді, осы уақытқа дейін қауіпсіз деп есептелініп келген нысан бір сәтте қауіпті деп танылады», - деді Т.Қалеева.

Осы ретте ол атап өткендей, мұндай жағдайларда белсенді азаматтардың шағымы бойынша алдын-ала тексерістер жүргізіледі, алайда бұл жағдайда бірден сотқа дайындық басталып кеткен.

«Мұның барлығын белгісіз ПИК төрағасы көтерген, оны мұнда ешкім көрмеген. Жалпы, мұндай жағдайларда алдымен қандайда бір тексерістер жүргізіледі. Алайда нысан басшылығымен ешкім келіссөз жүргізбеді, бірден сотқа дейінгі дайындықтар басталып кетті. Бұл алғашқы инстанцияның шешімі болатын, апелляциялық инстанцияда ар-ұят пен логика басым түседі деген үміттеміз», - деп толықтырды Т.Қалеева.