Алдағы 3 жылда Қазақстан инфрақұрылымды дамытуға $10 млрд бөлді

26 Мая 2016 2074 Қазақстан, инфрақұрылым

Алматы. 26 мамыр. Ақпараттар орталығы. Қазақстан алдағы 3 жылда инфрақұрылымды дамытуға 10 млрд доллар бөледі, деп хабарлады ҚР инвестиция және даму министрлігіне сілтеме жасаған премьер-министрдің сайты.

Министрліктің мәліметінше, кейінгі 5 жылда Қазақстан инфрақұрылымды дамытуға 5 млрд доллардан астам инвестиция жұмсады. Бұдан бөлек, алдағы 3 жылда халықаралық қаржы институттарын қоса есептегенде 10 млрд. АҚШ долл. астам инвестиция салу жоспарлануда.

«Көлік инфрақұрылымын дамыту Қазақстан үшін айрықша сын іспетті, деп атап көрсетті ҚР инвестициялар және даму министрі. Бұл мәселенің екі себебі бар: біріншіден, бұл өз өнімдерімізді көрші рыноктарға жеткізуді қамтамасыз етеді. Екіншіден, Қытай, Еуропа, Ресей және Таяу Шығыс аралығындағы мультимодальдік транзитті дамытады», - деп санайды ҚР ИДМ басшысы Әсет Исекешев.

Оның айтуынша, үкімет транзиттеу үшін кедендік ресімдерді жеңілдету мен әкімшілік кедергілерді жою жұмысын қолға алған.

«Бұл жұмыс Қазақстанның қазірдің өзінде Дүниежүзілік экономикалық форумның Жаһандық бәсекелестікке қабілеттілік рейтингінде 2015 жылы 30 позицияға, яғни әлемдегі 140 елдің арасында 88-ші орыннан 58-ші орынға көтерілуіне мүмкіндік берді», - деді министр.

Ол мысалдардың ішінде Қытай мен Еуропа арасындағы ұзындығы 1,7 мың миль болатын әлемдегі ең ірі көлік дәліздерінің құрылысы бар екенін айтып өтті.

«Бұл дәліз арқылы жүктерді Қытайдан Еуропаға небәоі 10 күнде (теңіз арқылы – 45 күнде) жеткізуге болады, сол сияқты Қазақстан мен Иранды қосатын темір жол бар, ал Сары теңіздегі Ляньюньган портындағы логистикалық терминал теңіз арқылы тасымал жасауға мүмкіндік ашылады», - деді министр.

Сонымен қатар, министрдің айтуынша, Каспий теңізіндегі Ақтау порты кеңейтілді, Қытайдың шекарасында Қорғас құрғақ порты іске қосылды. Қазақстанда ЕРДБ мен Халықаралық қаржы корпорациясының ресурстарын тарту арқылы МЖС жобасы іске қосылды.

Фото: matritca.kz