KMG International таза табысы 2015 жылы 4,6 млн долларды құрады

17 Февраля 2016 1559 KMGInternational, Табыс

Алматы. 17 ақпан. Ақпараттар орталығы. «ҚазМұнайГаз» ҰК АҚ еншілес компаниясы болып табылатын KMG International N.V. рекордтық қаржылық-операциялық көрсеткіштері туралы жариялайды, деп хабарлады компанияның баспасөз қызметінен.

Хабарда айтылғандай, 2016 жылдың 11 ақпанында «KMG International»-да (КМГИ) Директорлар кеңесінің отырысы өтті, онда 2015 жылдың аудит жүргізілмеген қаржылық нәтижелері қаралды. Алғаш рет, «ҚазМұнайГаз» ҰК АҚ қазақстандық мұнай компаниясы акциялар пакетінің 100% сатып алған сәттен бастап, КМГИ 162 млн АҚШ доллары көлемінде EBITDA деңгейіне жетті және операциялық қызметтегі таза табысы $4,6 млн. көлемінде болды
«2015 жылғы әлемдік мұнай бағасының төмендеуіне қарамастан қорды артығымен бағалаудан болған тиімсіз әсерге қарамастан аталмыш нәтижеге қол жетті. Аталмыш әсерді ескермесек, яғни басқарушылық есепке сәйкес EBITDA көрсеткішінің шоғырланған деңгейі $278 млн құрады, ал операциялық қызметтен түсетін таза табыс $120 млн деңгейінде», — делінген компания хабарында.
«Біздің 2013 жылға қойған мақсатымыздың барлығына бүгінде қол жеткіздік. Соның ішінде негізгі активтерді жаңғырту мен бизнесті дамытуға салынған инвестиция, сондай-ақ операциялық тиімділікті арттыру мен өндірістік шығындарды төмендетуге бағытталған трансформациялық бастамалардың арқасында», — деді KMG International бас директоры Жанат Түсіпбеков.
Хабарда айтылғандай, 2012 жылы EBITDA шоғырландырылған деңгейі $79 млн құрады, ал таза шығыны $156 млн. көлемінде. Яғни 2015 жылы осындай көрсеткіш 2012 жылмен салыстырғанда 2 есе өскен.
2015 «Petromidia» МӨЗ, КМГИ негізгі активі, жыл қорытындысы бойынша 4,95 млн тонна мұнай қайта өңделді.
Сонымен қатар, хабарлағандай, өндірістік бірліктерді оңтайландыру және тиімділігін арттыру бойынша бағдарлама аясында шығындарды қайта өңдеу 27% оңтайландырды, «Petromidia» МӨЗ өндірістік қуаты 98% дейін артты.
«Бөлшек сегментте, КМГИ Румыния, Болгария, Грузия және Молдова аумақтарында мұнай өнімдерін сатудың жалпы көлемі бойынша рекордтық көрсеткіш 2,64 млн тонна көлеміне жетті. Рекордқа жетудің негізгі факторы 2013 жылы басталған АЗС ребрендингі бағдарламасы болып табылады. Оның аясында жаңа, заманауи және клиенттерге бағытталған автожанармай стансаларының тұжырымы әзірленген», — делінген хабарда.