800-ге жуық қазақстандық кәсіпорын саудаға шығарылған

800-ге жуық қазақстандық кәсіпорын саудаға шығарылған – Назарбаев

17 Июня 2016 2439 қазақстандықкәсіпорындар, сату

Алматы. 17 маусым. Ақпараттар орталығы. Қазақстанда 800-ге жуық кәсіпорын саудаға шығарылды, деп мәлім етті Қазақстан презиенті Нұрсұлтан Назарбаев Ресей Федерациясының іскер топтар өкілдерімен кездесу барысында, деп хабарлады мемлекет басшысының баспасөз қызметінен.

Н. Назарбаев ЭЫДҰ елдерінің тәжірибесі бойынша Қазақстан Үкіметінің мемлекеттің экономикаға қатысу үлесін азайту жөніндегі жұмысына назар аударды.

«Осы мақсатта ауқымды жекешелендіру науқаны жүргізіліп жатыр. Мұнай өңдеу, энергетика, инфрақұрылым нысандарын қамтитын экономиканың түрлі салаларындағы 800-ге жуық кәсіпорын саудаға шығарылды. Тікелей жекешелендіруден бөлек, мемлекет-жекеменшік қағидаттары негізінде де ынтымақтасуға әзірміз. Біз мемлекет пен бизнестің инвестиция саласындағы осындай ұзақ мерзімді өзара іс-қимылының барлық қырларының кешенді түрде реттелуін қамтамасыз ететін жаңа заң қабылдадық», - деді президент.

Ол соңғы жылдарда рұқсат беретін құжаттар саны екі есе қысқарттылғанын және оларды алу рәсімдері жеңілдетілгенін атап өтті.

«Халықаралық сарапшылардың бағалауынша, әлемдегі үздік фискалдық саясаттың бірі Қазақстанда жүргізілуде. Дүниежүзілік банктің «Бизнес жүргізу жеңілдіктері» рейтингісінің «салық салу» көрсеткіші бойынша, еліміз 189 елдің ішінен 18-орынға ие болып отыр. Дүниежүзілік банктің «Doing Business» рейтингісі бойынша Қазақстан соңғы жылы 12 сатыға жоғарылап, 41-орынға жетті. Жаһандық бәсекеге қабілеттілік индексінің рейтингісі бойынша 8 тармаққа жоғарылап, 42-орынға табан тіреді», - деді мемлекет басшысы.