2017 жылы «Сандық Қазақстан -2020» бағдарламасының алғашқы бесжылдығын жүзеге асыру басталады

09 Июня 2016 3965 СандықҚазақстан, бағдарлама

Алматы. 9 маусым. Ақпараттар орталығы. 2017 жылы республикада «Сандық Қазақстан -2020» бағдарламасының алғашқы бесжылдығын жүзеге асыру басталады, деп хабарлады «Зерде» Ұлттық инфокоммуникациялық холдингі» АҚ басқарма төрағасы Әсел Жиенбаеваға сілтеме жасаған премьер-министрдің сайты.

«Біз осы жылдың соңына дейін «Сандық Қазақстан-2020» бағдарламасын бекітуді жоспарлаудамыз және 2017 жылы бағдарламаның бірінші бесжылдығын іске қосамыз», - деді Ә. Жиенбаева «Сандық экономика жолында» атты Астана SAP Форумында.

«Ақпараттық және коммуникациялық технологиялар саласындағы міндетті жүзеге асыруда және «Сандық Қазақстан-2020» бағдарламасының мақсаттарына қол жеткізу сандық платформаны құрады деп сеніммен айта аламыз және ол экономика салаларында бәсекеге қабілеттілікті арттыру және халықтың өмір сүру сапасын жақсартуға мүмкіндік береді», - деді ол.

Холдинг басшысы түсіндіргендей, «Сандық Қазақстан-2020» бағдарламасы бірнеше түйінді бағыттан тұрады.

«Бірінші – Сандық Жібек жолы, ауылдық жерлерде интернет желісін қамтамсыз ету және Қазақстанда транзитті әлеуеттің дамуы. Екінші – экономика саласында сандық өзгеріс, көбінесе көлік және логистика, денсаулық сақтау, білім, ауыл шаруашылығы, электронды коммерцияда. Бизнеспен бірге барлық салада сандық технологияны енгізуіміз керек. Проактивті мемлекет және ол үш компоненттен тұрады: ашық үкімет, ашық мәлімет, электронды қызмет, оны біз әрі қарай дамытуымыз керек. Үшіншіден – мемлекеттік органдардың оңтайлы қызметі. Креативті қоғам, жаңа IT мамандарды құру, қосымша IT мамандарды құру, жаңа сандық экономиканың дағдылары мен құзіретін құру», - деді ол